09/04/2024
Մեկնարկում է «EU4Digital» ակադեմիայի առաջին թվային դասընթացը
«EU4Digital» ծրագիրը հրավիրում է Ուկրաինայի քաղաքացիներին ու փոքր եւ միջին ձեռնարկություններին (ՓՄՁ)՝ գրանցվելու նորաստեղծ «EU4Digital» ակադեմիայի շրջանակում հասանելի առաջին թվային դասընթացին: «Էլեկտրոնային կոմերցիան ԵՄ առեւտրային հարթակներում» թեմայով առցանց դասընթացը հարմար եւ օգտակար է այն սովորողների համար, ովքեր չունեն էլեկտրոնային կոմերցիայի մասին նախնական գիտելիքներ, բայց ցանկանում են գնալ այդ ճանապարհով, կամ ովքեր իրենց երկրում արդեն իսկ զբաղվում են ապրանքների առցանց վաճառքով, բայց ցանկանում են դա անել նաեւ Եվրոպական միության (ԵՄ) երկրներում։
Իմանալ ավելին-
03/01/2024
UNCTAD eWeek-ը կայուն եւ ներառական ուղի է նախանշում դեպի թվային տնտեսություն
2023 թվականի դեկտեմբերի 4-ից 8-ը կայացած UNCTAD eWeek 2023-ի ավելի քան 3500 մասնակիցներ քննարկել են, թե ինչպես կարելի է թվային հնարավորությունները վերածել ընդհանուր եւ կայուն զարգացման ձեռքբերումների:
Իմանալ ավելին -
27/12/2023
Էլեկտրոնային առողջապահության ցանցն անդրադարձել է անդրսահմանային ծառայությունների ուղղությամբ ռազմավարական քայլերին
Ինչպե՞ս կարող են բժիշկների համար հասու լինել մի երկրից մյուսը տեղափոխված բուժառուների պատվաստումների պատմությունը, ինչպես նաեւ ալերգիկ վիճակի եւ պաշտոնական բժշկական քարտերի վերաբերյալ տեղեկատվությունը: Արեւելյան գործընկերության (ԱլԳ) տարածաշրջանում թվային առողջապահական համակարգերի առկայությունը, որոնք թույլ են տալիս իրականացնել տեղեկատվության անդրսահմանային փոխանակում եւ ապահովում են ծառայությունների հասանելիություն, կարեւոր է, քան երբեւէ: «EU4Digital» ծրագրի «Էլեկտրոնային առողջապահություն» թեմատիկ ուղղությունն Արեւելյան գործընկերության երկրների հետ աշխատանք է տանում էլեկտրոնային առողջապահության ռազմավարությունների ստեղծման ուղղությամբ՝ որպես իրենց բնակիչների առողջապահական խնամքի բարելավմանն ուղղված կենսական քայլ։ Նոյեմբերի 16-ին եւ 24-ին Էլեկտրոնային առողջապահության ցանցի կողմից անցկացված երկու առցանց սեմինարներն ընդգրկել են տարբեր թեմաներ՝ ներառյալ ֆինանսավորումը, նորարարությունը եւ ակտիվիզմը թվային առողջապահության ոլորտում:
Իմանալ ավելին -
20/12/2023
Եվրոպական խորհուրդն ընդունել է առաջարկություններ՝ ի նպաստ թվային կրթության եւ ուսուցման հաջողության
Եվրոպական խորհուրդը 2023 թվականի նոյեմբերի 23-ին ընդունել է առաջարկությունների շարք՝ հաջող թվային կրթությանը եւ ուսուցմանը նպաստող հիմնական գործոնների, ինչպես նաեւ կրթության եւ ուսուցման ոլորտում թվային հմտությունների եւ կարողությունների տրամադրման բարելավման վերաբերյալ: Այս փաթեթով Խորհուրդն արձագանքում է կրթությունն իրական թվային փոխակերպման կարիքներին հարմարեցնելու եւ արագ փոփոխվող ժամանակներին ու տեխնոլոգիաներին համընթաց քայլելու անհրաժեշտությանը:
Իմանալ ավելին -
13/12/2023
Արեւելյան գործընկերության արտգործնախարարների հանդիպման ժամանակ քննարկվել են թվային անցմանն առնչվող հարցեր
Կապի հասանելիությունը, տարածաշրջանային ռոումինգն ու թվային անցումն այն թեմաներից էին, որոնք քննարկվել են 2023 թվականի դեկտեմբերի 11-ին կայացած Արեւելյան գործընկերության (ԱլԳ) նախարարական հանդիպման ժամանակ: Միջոցառումը հավաքել էր ԵՄ երկրների, ինչպես նաեւ Արեւելյան գործընկերության վեց երկրներից հինգի (Հայաստան, Ադրբեջան, Վրաստան, Մոլդովա եւ Ուկրաինա) արտաքին գործերի նախարարներին։ Հանդիպումը հնարավորություն է ընձեռել մտքեր փոխանակել Արեւելյան գործընկերության վերաբերյալ, ամփոփել ձեռքբերումներն ու արդյունքները եւ սահմանել կոնկրետ առաջարկություններ քաղաքականության ապագայի համար:
Իմանալ ավելին -
08/12/2023
EU4Digital-ը հրապարակել է զեկույց Արեւելյան գործընկերության ստարտափ էկոհամակարգի վերաբերյալ
«EU4Digital» ծրագիրը հրապարակել է ուսումնասիրության զեկույց, որում քարտեզագրված եւ ախտորոշված է Արեւելյան գործընկերության տարածաշրջանում (ԱլԳ) ստարտափ էկոհամակարգը: «EU4Digital» ծրագրի «ՏՀՏ նորարարություններ» թեմատիկ թիմի կողմից պատրաստված զեկույցը սահմանում է բարձր արդյունավետությամբ ինկուբացման հայեցակարգը, ներկայացնում է ներկա իրավիճակի վերլուծությունը եւ առաջարկություններ է տրամադրում գործընկեր երկրներում՝ Հայաստանում, Ադրբեջանում, Վրաստանում, Մոլդովայի եւ Ուկրաինայում համապատասխան աջակցության ծրագրերի մշակման համար: Զեկույցը հասանելի է առցանց, իսկ հետադարձ արձագանքը ողջունվում է։
Իմանալ ավելին -
07/12/2023
Եվրոպական կրթական հիմնադրամի 2024 թվականի ծրագիրն առաջնահերթություն է տալիս թվայնացմանը եւ Արեւելյան գործընկերության երկրներին
Եվրոպական կրթական հիմնադրամն (ԵԿՀ/ETF) օգնում է Եվրոպական միության (ԵՄ) երկրներին բարեփոխել իրենց կրթության, ուսուցման եւ աշխատաշուկայի համակարգերը: ԵՄ այս գործակալության 2024 թվականի աշխատանքային ծրագիրն ի թիվս այլ նպատակների եւ ուղղությունների կնպաստի կրթության ոլորտի թվայնացմանն ու նորարարություններին՝ հատուկ ուշադրություն դարձնելով Ուկրաինայի եւ ԵՄ անդամակցության թեկնածու երկրների, ներառյալ՝ Վրաստանի եւ Մոլդովայի վրա: Նշված ռազմավարական ծրագիրը հաստատվել է 2023 թվականի նոյեմբերի 24-ին։
Իմանալ ավելին -
30/11/2023
«EU4Digital» ծրագրի DESI արագացուցիչի միջոցառումը նշանավորվեց շրջադարձային պահով
«EU4Digital» ծրագիրը հասել է կարեւոր հանգրվանի Արեւելյան գործընկերության երկրների՝ ԵՄ լավագույն փորձին համապատասխան տվյալներ հավաքելու եւ իրենց ազգային ռազմավարություններում թվային արտադրողականության հետ կապված ավելի ճշգրիտ տվյալներ ինտեգրելու կարողության արագացմանն ուղղված իր ջանքերում։ 2023 թվականի նոյեմբերի 24-ին կայացած տարածաշրջանային միջոցառումը հնարավորություն ընձեռեց ավարտել «EU4Digital» ծրագրի DESI արագացուցիչի առաջին փուլը եւ սկսել նախապատրաստվել երկրորդին:
Իմանալ ավելին -
21/11/2023
Թվային կապի հասանելիություն՝ Արեւելյան գործընկերության փոխակերպման ուղին
Առողջապահական, կրթական, ֆինանսական, գործարար եւ կառավարման ծառայությունների առցանց մատուցման աճով պայմանավորված՝ թվային կապի հասանելիությունն ավելի ու ավելի կարեւոր դեր է խաղում առօրյա կյանքում: «EU4Digital» ծրագիրը 2019 թվականից ի վեր սերտորեն համագործակցում է Արեւելյան գործընկերության (ԱլԳ) երկրների՝ Հայաստանի, Ադրբեջանի, Վրաստանի, Մոլդովայի եւ Ուկրաինայի հետ՝ տարածաշրջանում թվային կապի հասանելիությունը բարելավելու նպատակով: Նրանք միասին նպաստում են քաղաքացիների եւ գործարարների համար մատչելի գներով գերարագ, հուսալի եւ կայուն թվային կապի հասանելիությանը: Այսպիսով, ի՞նչ է ձեռքբերումներ են արձանագրվել եւ ինչպե՞ս է դա նպաստում ԱլԳ թվային փոխակերպման հետ կապված քաղաքականության ավելի լայն նպատակներին:
Իմանալ ավելին -
20/11/2023
Մարդկային գործոնը թվային փոխակերպման գործընթացում. Արեւելյան գործընկերության թվային համաժողով – 2023
Դիմակայուն թվային փոխակերպման ճանապարհին անհրաժեշտ է հաշվի առնել մարդակենտրոն կարիքներն ու օգուտները։ Այս եզրահանգմանն են եկել 2023 թվականի նոյեմբերի 14-ին EU4Digital-ի կազմակերպած Արեւելյան գործընկերության (ԱլԳ) թվային համաժողովի մասնակիցները։ Միջոցառման «Թվային ռազմավարական ինքնավարություն. թվային տեխնոլոգիաների օգտագործում՝ հասարակությունների եւ տնտեսությունների հզորացման նպատակով» խորագիրը հնարավորություն տվեց ուսումնասիրելու, թե ինչպես կարող են թվային միակցվածությունն ու արհեստական բանականության (ԱԲ) նման բեկումնային տեխնոլոգիաները խթանել նորարարությունները՝ դիմակայուն կառավարում, տնտեսություն եւ հասարակություն ապահովելու գործում։
Իմանալ ավելին -
20/11/2023
Թվային տեխնոլոգիաներն այլեւս ունեն կենտրոնական նշանակություն. EU4Digital-ի ղեկավար կոմիտեի 2023 թ. նիստի արդյունքները
Թվային տեխնոլոգիաներն այլեւս առանցքային նշանակություն ունեն Արեւելյան գործընկերության (ԱլԳ) առօրյա կյանքում, ուստի ռազմավարական պլանավորման, քաղաքականության ու օրենսդրության համապատասխանեցման, ինչպես նաեւ ներդրումների համակարգված մոտեցումն այժմ կարեւոր է: Սա 2023 թվականի նոյեմբերի 15-ին առցանց անցկացված EU4Digital-ի ղեկավար կոմիտեի 5-րդ տարեկան հանդիպման հիմնական ուղերձն էր:
Իմանալ ավելին -
17/11/2023
Միացե՛ք DESI աքսելերատորի շրջանակներում EU4Digital-ի կազմակերպած տարածաշրջանային միջոցառմանը նոյեմբերի 24-ին
Արեւելյան գործընկերության երկրներում Թվային տնտեսության եւ հասարակության համաթվին (DESI) առնչվող ցուցանիշներ հավաքող հաստատությունների ներկայացուցիչները հրավիրվում են մասնակցելու «EU4Digital» ծրագրի՝ 2023 թվականի նոյեմբերի 24-ին կայանալիք առցանց միջոցառմանը: Դրա ընթացքում «EU4Digital» ծրագրի «Թվային հմտություններ» թեմատիկ ուղղության փորձագետները կներկայացնեն DESI համաթվի իրականացման գործընթացի վերլուծությունը, կքննարկեն DESI-ի չափման ամբողջական համակարգի ներդրման շուրջ տարածաշրջանի ու առանձին երկրների համար նախատեսված առաջարկությունները եւ կանդրադառնան «EU4Digital» ծրագրի DESI աքսելերատորին վերաբերող գաղափարներին ու հիմնական ձեռքբերումներին։
Իմանալ ավելին -
10/11/2023
EU4Digital-ի շահագրգիռ կողմերի աշխատաժողովում քննարկվել է ազգային մակարդակում արդյունքների ներդրման արագացումը
«EU4Digital» ծրագրի գործունեությունը պայմանավորված է Արեւելյան գործընկերության (ԱլԳ) տարածաշրջանի երկրների՝ Հայաստանի, Ադրբեջանի, Մոլդովայի, Վրաստանի եւ Ուկրաինայի կարիքներով: Այդ գործունեությունն իրականացվում է ԵՄ-ԱլԳ համատեղ օրակարգի շրջանակներում ԵՄ պատվիրակությունների կողմից կառավարվող երկկողմ գործողությունների հետ սերտ համագործակցության պայմաններում։ «EU4Digital» ծրագրի ներկայիս՝ երկրորդ փուլի ընթացքում արդյունքները առավելագույնի հասցնելու համար EU4Digital-ը 2023 թվականի հոկտեմբերի 18-ին Բրյուսելում անցկացրել է աշխատաժողով՝ Եվրամիության եւ Արեւելյան գործընկերության երկրների հիմնական շահագրգիռ կողմերի մասնակցությամբ: Հանդիպումը մասնակիցներին հնարավորություն տվեց գնահատել ծրագրի արդյունքները, կիսվել հետադարձ արձագանքով եւ ուսումնասիրել, թե ինչպես արագացնել EU4Digital-ի գործունեության ներդրումը ազգային մակարդակում:
Իմանալ ավելին