აღმოსავლეთ პარტნიორობის ელექტრონული კომუნიკაციების მარეგულირებელთა ქსელის (EaPeReg) მე-14 პლენარული სხდომა

  • თარიღი: 05/11/19
  • გააზიარეთ:

აღმოსავლეთ პარტნიორობის ელექტრონული კომუნიკაციების მარეგულირებელთა ქსელის მე-14 პლენარული სხდომა ჩატარდება ლატვიის დედაქალაქ რიგაში 2019 წლის 27 ნოემბერს. ღონისძიების ორგანიზატორია Sabiedrisko pakalpojumu regulēšanas komisija (SPRK), როგორც აღმოსავლეთ პარტნიორობის ელექტრონული კომუნიკაციების მარეგულირებელთა ქსელის ვიცე-თავმჯდომარე და მასპინძელი მხარე, ევროკომისიის მხარდაჭერით.

პლენარული სხდომის მთავარი მიზანია შემდეგი საკითხების განხილვა:

  • აღმოსავლეთ პარტნიორობის ელექტრონული კომუნიკაციების მარეგულირებელთა ქსელის მუშაობის შეფასება 2019 წელს
  • აღმოსავლეთ პარტნიორობის ელექტრონული კომუნიკაციების მარეგულირებელთა ქსელის საქმიანობის დაგეგმვა 2020 წლისთვის
  • EWG-ს ანგარიშები
  • პროგრამის EU4Digital ექსპერტების  პრეზენტაცია პროექტის საქმიანობის შესახებ
  • ურთიერთგაგების მემორანდუმის ხელმოწერა აღმოსავლეთ პარტნიორობის ელექტრონული კომუნიკაციების მარეგულირებელთა ქსელსა და ტელეკომუნიკაციის საერთაშორისო კავშირს (ITU) შორის
  • ევროპის ხმელთაშუა ზღვის მარეგულირებელთა ჯგუფის (EMERG) წარდგენა
  • აღმოსავლეთ პარტნიორობის ელექტრონული კომუნიკაციების მარეგულირებელთა ქსელის თავმჯდომარის და ვიცე-თავმჯდომარის არჩევა 2020 წლისთვის
  • ქსელის განვითარებასთან დაკავშირებული რამდენიმე სხვა საქმიანობა

ევროკავშირის EU4Digital ინიციატივა აღმოსავლეთ პარტნიორობის ელექტრონული კომუნიკაციების მარეგულირებელთა ქსელთან თანამშრომლობით მხარს უჭერს ძალისხმევას საერთო როუმინგული სივრცის მისაღწევად აღმოსავლეთ პარტნიორობის ქვეყნებს შორის 2020 წლამდე, ასევე ეროვნული მარეგულირებელი ორგანოების დამოუკიდებლობის გაძლიერებას და სიხშირეების განაწილების კოორდინირებული სტრატეგიის შემუშავებას.


მოვლენები

იხილეთ ყველა