EU4Digital აქვეყნებს რეკომენდაციებს ე-კომერციის ჰარმონიზაციის მიზნით აღმოსავლეთ პარტნიორობის ქვეყნებსა და ევროკავშირს შორის

  • თარიღი: 13/04/21
  • გააზიარეთ:

პროგრამამ EU4Digital გამოაქვეყნა საკუთარი რეკომენდაციები ე-კომერციის ჰარმონიზაციის მიზნით აღმოსავლეთ პარტნიორობის ქვეყნებსა და ევროკავშირს შორის. რეკომენდაციების სია შემუშავდა, როგორც ე-კომერციული საქმიანობის ნაწილი პროგრამის EU4Digital ე-ვაჭრობის თემატურ სფეროში.

ანგარიშის ზოგადი ამოცანაა რეკომენდაციების გაცემა ე-კომერციის ჰარმონიზაციის საკითხებზე აღმოსავლეთ პარტნიორობის ქვეყნებს და ევროკავშირს შორის შემდეგ სამ სფეროში: ეკოსისტემა, საკანონმდებლო ჩარჩო და სტანდარტები. ამ რეკომენდაციების მიზანია:

  • სახელმწიფოთაშორის ე-კომერციაში არსებული ბარიერების დაძლევა;
  • სახელმწიფოთაშორისი ე-კომერციის მოცულობის გაზრდა;
  • ქვეყნების უკეთ ინფორმირება და მომზადება ევროკავშირის 2021 წელს განსახორციელებელი ცვლილებებისთვის ე-კომერციის სფეროში.

ეს რეკომენდაციები შეიმუშავეს პროგრამის EU4Digital ე-კომერციის ექსპერტებმა და ადგილობრივმა ექსპერტებმა აღმოსავლეთ პარტნიორობის ქვეყნებიდან შემდეგი სახით:

  • ევროკავშირში არსებული საქმის ვითარება, როგორც საბაზისო მონაცემები. საბაზისო მონაცემები სტრუქტურირებულია ე-კომერციის ღირებულებათა ჯაჭვის ირგვლივ და აღწერს ბაზარზე პროდუქციის მიწოდების, განაწილების და გაყიდვისშემდეგომ პროცესებში ჩართულ მხარეებს, ინფორმაციას და ღონისძიებებს. ღირებულებათა ჯაჭვი და საბაზისო მონაცემები მოიცავს 100-ზე მეტი ძირითადი საკითხის აღწერას საკანონმდებლო, სტანდარტების და ე-კომერციის ეკოსისტემის სფეროებში.
  • საქმის ვითარების ანალიზი ე-კომერციაში აღმოსავლეთ პარტნიორობის ქვეყნებში. ანალიზი ჩატარდა ინტერვიუების, სემინარების და კვლევის საშუალებით. ევროკავშირის ქვეყნებიდან ანალიზში მონაწილეობდა 50-ე მეტი მხარე, მათ შორის სამინისტროები, საბაჟო და საგადასახადო უწყებები, საფოსტო და ლოგისტიკის ოპერატორები, ბაზრები, ბიზნეს-ასოციაციები, ადგილობრივი ექსპერტები.
  • პროფესიული მოსაზრებები პროგრამის EU4Digital ექსპერტებისგან ძირითადი ხარვეზების თაობაზე ტრანსსასაზღვრო ე-კომერციისთვის.
  • კონსულტაციების ორგანიზება და შეთანხმებები ეროვნულ მონაწილე მხარეებთან.
  • რეკომენდაციების შემუშავება ევროკავშირის პრაქტიკის საფუძველზე, რომელთა მიზანია ე-კომერციული ტრანზაქციების მოცულობის გაზრდა და მხარდაჭერის საჭირო ღონისძიებების გატარება ე-კომერციის ასამოქმედებლად.

გაცემული რეკომენდაციების საფუძველზე შემუშავდა ექვსი ეროვნული სამოქმედო გეგმა, რომლებმაც შეადგინა შემდგომი განხორციელების ბაზისი შემდეგი საშუალებებით:

  • აღმოსავლეთ პარტნიორობის ქვეყნების ხელისუფლებების მიერ საჭირო ცვლილებების გატარება საკანონმდებლო და სტანდარტების სფეროებში მოწოდებული კონკრეტული პუნქტების საფუძველზე;
  • სამთავრობო და არასამთავრობო მონაწილე მხარეების მიერ რეკომენდაციების ეკონომიკის განვითარების ეროვნულ გეგმებში გამოყენება პრაქტიკული მიზნებით.

შემოთავაზებული რეკომენდაციებიდან ერთი-ერთი (ამ ანგარიშის #1 რეკომენდაცია) – ვირტუალური საწყობის შექმნა, შეარჩიეს პილოტირებისთვის აღმოსავლეთ პარტნიორობის ქვეყნებს (აზერბაიჯანი, საქართველო, სომხეთი) და ევროკავშირს შორის (გერმანია). საპილოტე პროექტის ფარგლებში უნდა შეიქმნას ადგილობრივი საქონლის ეროვნული ვირტუალური საწყობები / მონაცემთა ბაზები ე-კომერციაში მონაწილე

მხარეების ერთმანეთთან დასაკავშირებლად, რათა მათ შეძლონ ინფორმაციის ავტომატურად გაცვლა ვაჭრობის, საბაჟოს და მიწოდების საკითხებზე. დამატებითი ინფორმაცია ამ საპილოტე პროექტის შესახებ მიიღეთ აქ.

ჩამოტვირთეთ ანგარიშები:

სომხეთი

აზერბაიჯანი

ბელარუსი

საქართველო

მოლდოვის რესპუბლიკა

უკრაინა

ახალი ამბები

საქართველოს ეროვნული სამეცნიერო ბიბლიოთეკა ღია მეცნიერების ავანგარდში

ქართული სამეცნიერო ნაშრომები და კვლევის პროფილები ახლა უფრო თვალსაჩინო, ხელმისაწვდომი და მრავალჯერადად გამოყენ…

გაიგეთ მეტი

იხილეთ ყველა