აზერბაიჯანი

ევროკავშირის ინიციატივა EU4Digital მხარს უჭერს ციფრული რეფორმის გეგმას აზერბაიჯანში მთელი რიგი ღონისძიებებით ციფრული ეკონომიკის და საზოგადოების ძირითადი სფეროების მხარდასაჭერად ევროკავშირის ნორმებისა და პრაქტიკის შესაბამისად, ეკონომიკური ზრდის, ახალი სამუშაო ადგილების შექმნის, მოსახლეობის ცხოვრების დონის გაუმჯობესების და ბიზნესის დახმარების მიზნით.

პროგრამა EU4Digital გააუმჯობესებს სამთავრობო ინსტიტუტების მუშაობას, განავითარებს ეკონომიკის დივერსიფიკაციას ზრდის და სამუშაო ადგილების ხელშეწყობით, და გააუმჯობესებს აზერბაიჯანელი მოქალაქეების ცხოვრებას. პროგრამის EU4Digital საშუალებით ციფრული ბაზრების ჰარმონიზაციას მოჰყვება ონლაინ სერვისების გაუმჯობესება, მათი ფასების შემცირება და არჩევანის გაზრდა ყველასთვის.

აზერბაიჯანისთვის პრიორიტეტული სფეროა ციფრული ეკონომიკის განვითარება, მათ შორის – ფოკუსირება ელ-სერვისების ცენტრალიზაციაზე და საჯარო სერვისების ციფრული გარდაქმნა. მთავრობის სოციალური და ეკონომიკური სტრატეგია ციფრულ ტრანსფორმაციას მისთვის პრიორიტეტულ სფეროებში განიხილავს.

აზერბაიჯანი მიზნად ისახავს მოსახლეობის ინტერნეტ-კავშირით უკეთ უზრუნველყოფას 2024 წლამდე. შემუშავებული იქნა კიბერუსაფრთხოების სტრატეგია, და მასთან ერთად – მონაცემთა კონფიდენციალურობის კანონმდებლობა, რაც ქვეყნის ციფრული ტრანსფორმაციის მხარდაჭერას ემსახურება.

მსოფლიო ბანკთან მჭიდრო თანამშრომლობით, ევროკავშირმა დააფინანსა ადმინისტრაციული შეთანხმება აზერბაიჯანის სწრაფი ტექნიკური დახმარების მექანიზმისთვის (AZTAF) (2022). ეს სამწლიანი პროგრამა გამოეხმაურება და მხარდაჭერას გაუწევს მთავრობის პრიორიტეტებს, რომელთა შორის არის „გონიერი სოფლები“ და ციფრული კავშირი.

ევროკავშირი და ევროპის რეკონსტრუქციისა და განვითარების ბანკი (EBRD) მხარს უჭერენ ფართოზოლოვანი კავშირის თანამედროვე ინფრასტრუქტურის ამოქმედებას 280000-ზე მეტი შინამეურნეობისთვის აზერბაიჯანში; ამისათვის გაიცემა 50 მილიონამდე დოლარის ოდენობის სესხი, რომელიც დაფინანსდება აღმოსავლეთ პარტნიორობის ეკონომიკური და საინვესტიციო გეგმის ფარგლებში. ეს სესხი, რომელსაც გასცემენ აზტელეკომზე ციფრული განვითარების და ტრანსპორტის სამინისტროს საშუალებით, მხარს დაუჭერს ქსელის გაფართოებას სიჩქარის, პოტენციალის და ზოლის სიგანის გასაუმჯობესებლად, ციფრული განსხვავებების აღმოფხვრის მიზნით ქალაქსა და სოფელს შორის.

დამატებითი ინფორმაციის მისაღებად ევროკავშირის და აზერბაიჯანის ურთიერთობების შესახებ ეწვიეთ:

• EU4Azerbaijan ვებსაიტს
• აზერბაიჯანში ევროკავშირის წარმომადგენლობის ვებსაიტს