Հայաստան

EU4Digital-ը հիմնվում է էլեկտրոնային կառավարման եւ թվայնացման ոլորտներում Հայաստանի հետ ԵՄ-ի համագործակցության երկարամյա պատմության վրա։  EU4Digital-ը էլ ավելի է ամրապնդում ԵՄ – Հայաստան համագործակցությունը՝ ուշադրությունը կենտրոնացնելով հեռահաղորդակցության կարգավորումների, էլեկտրոնային վստահության եւ միջսահմանային թվային ծառայությունների, էլեկտրոնային առեւտրի, էլեկտրոնային առողջապահության, ՏՀՏ նորարարությունների եւ ստարտափ էկոհամակարգերի, ինչպես նաեւ էլեկտրոնային հմտությունների ուղղությամբ:

Ծրագրի արդյունքները կբերեն Հայաստանի Հանրապետության քաղաքացիների համար ավելի լավ գներով եւ ավելի լայն ընտրությամբ առցանց ծառայությունների բարելավմանը՝ ներգրավելով ներդրումներ, խթանելով առեւտուրն ու զբաղվածությունը, ինչպես նաեւ ամրապնդելով Եվրամիության անդամ երկրների հետ եւ Արեւելյան գործընկերության շրջանակներում համագործակցությունը:

ԵՄ-ն 2002 թվականից ակտիվորեն ներգրավված է Հայաստանի թվայնացմանը եւ էլեկտրոնային կառավարման ոլորտին աջակցելու գործում: Վերջին համագործակցությունը ներառում է «ԵՄ-ն Հայաստանին. աջակցություն էլ. կառավարմանը» ծրագիրը (2017-2020թթ.), որն ուղղված է բոլոր պետական ծառայությունների համար «Պետական փոխգործելիության պլատֆորմ»-ի մշակմանը եւ «Մեկ պատուհան» համակարգի ներդրմանը։

Բացի այդ, «Քաղաքացիակենտրոն թվային ծառայությունների զարգացում» ծրագրի (2020-2022թթ.) շրջանակում առանձնացվել են հիմնական էլեկտրոնային ծառայությունները. առանցքային թվային ծառայություններին աջակցող ծառայությունների քարտեզագրում եւ կատալոգի մշակում, ներառյալ Հայաստանի ներկայիս թվային ռեսուրսների եւ ռեգիստրների գույքագրումը, ինչպես նաեւ թվային տվյալների հավաքածուների եւ տեղեկատվական համակարգերի գնահատում՝ նպատակ ունենալով հասնել բեք-օֆիսային եւ ֆրոնթ-օֆիսային ծառայությունների ճարտարապետական տարանջատմանը: Վերանախագծվել են առնվազն 35 ծառայությունների բիզնես գործընթացները:

2021 թվականին Եվրոպական միությունը նույն ոլորտում ֆինանսավորեց «Էլեկտրոնային արդարադատության լուծումների մշակում եւ կիրառում Հայաստանում» նոր եռամյա ծրագիրը, որի ընդհանուր նպատակն է ձեւավորել միասնական էլեկտրոնային արդարադատության հարթակ։ Բոլոր փոխկապակցված տեղեկատվական համակարգերի համար ծառայելով որպես տեղեկատվության փոխանակման միասնական կենտրոն՝ այս նոր արդարադատական համակարգը թղթային փաստաթղթաշրջանառությունը կփոխարինի էլեկտրոնայինով։

Թվային ոլորտում նախորդ համագործակցությունը ներառում է Եվրոպական միության աջակցությունը Հայաստանի Հանրապետության քաղաքացիական կացության ակտերի գրանցման միասնական էլեկտրոնային համակարգին, էլեկտրոնային փաստաթղթաշրջանառության «Mulberry» համակարգին, իրավաբանական անձանց պետական գրանցման էլեկտրոնային համակարգին (e-register), էլեկտրոնային քրեակատարողական համակարգին (e-penitentiary), էլեկտրոնային ապոստիլի համակարգին (e-apostille), իրավական ակտերի նախագծերի թափանցիկ ու հեշտ քննարկումը հնարավոր դարձնող միասնական հարթակին (e-draft), ինչպես նաեւ կառավարությանը դիմումներ, բողոքներ կամ առաջարկություններ ներկայացնելու համար նախատեսված էլեկտրոնային հարցումների միասնական հարթակին (e-request):

2021 թվականին հաստատվեցին Հայաստանի թվային փոխակերպման ռազմավարությունը, ռազմավարության գործողությունների ծրագիրը եւ արդյունքների ցուցանիշները։ Ստեղծվել է «Հայաստանի տեղեկատվական համակարգերի գործակալություն» հիմնադրամը՝ աջակցելու էլեկտրոնային թվային հասարակության եւ տնտեսության զարգացմանն ու թվային ծառայությունների մատուցմանը։

Հայաստանի հետ ԵՄ-ի հարաբերությունների մասին ավելին իմանալու համար այցելեք՝

• EU4Armenia վեբկայք.
• Հայաստանում Եվրոպական միության պատվիրակության վեբկայք։