Հեռահաղորդակցության կանոններ. EU4Digital-ի միջոցառմանը ներկայացվել են ոլորտի ձեռքբերումներն ու նպատակները
Ամսաթիվ: 14/10/20
2020 թվականի հոկտեմբերի 7-ին կայացած վիրտուալ հանդիպման ժամանակ ներկայացվել են հեռահաղորդակցության կանոնների ոլորտում ձեռքբերումները և ապագա նպատակները։ Միջոցառումը կազմակերպվել էր հոկտեմբերի 5-ից 9-ի ընթացքում կայացած «EU4Digital» նախաձեռնության ղեկավար կոմիտեի տարեկան ժողովի շրջանակներում։
Ավելի քան 50 մասնակիցներին, այդ թվում` Եվրոպական հանձնաժողովի պաշտոնյաներին, Արևելյան գործընկերության էլեկտրոնային հաղորդակցության կարգավորողների ցանցի (EaPeReg) և վերջինիս փորձագիտական աշխատանքային խմբերի անդամներին, Համաշխարհային բանկի ներկայացուցիչներին, Քաղաքացիական հասարակության ֆորումի փորձագետներին, Ներդաշնակեցված թվային շուկայի (HDM) համակարգողներին և ԵՄ պատվիրակությունների ներկայացուցիչներին ողջունեց EU4Digital–ի թիմի ղեկավար պ–ն Արտուրաս Պիլիպոնիսը։
«Հեռահաղորդակցության կանոններ» թեմատիկ ոլորտը ներկայացրեց EU4Digital–ի «Հեռահաղորդակցության կանոններ» ուղղության ղեկավար Անդրեյս Դոմբրովսկիսը։ Վերջինս խոսեց նշված ուղղությամբ առկա վիճակի և ապագա ծրագրերի մասին։ Տվյալ ուղղությունն ընդգրկում է երեք թեմա՝ միջազգային ռոումինգը, ազգային կարգավորող մարմինների անկախությունը և 700 ՄՀց հաճախականության տիրույթի ազատումն Արևելյան գործընկեր երկրներում:
Միջազգային ռոումինգի ոլորտում հիմնական ուշադրությունը ներկա պահին ուղղված է Արևելյան գործընկեր վեց երկրների միջև տարածաշրջանային ռոումինգի համաձայնագրի շուրջ բանակցությունների դյուրացմանը և դրա ստորագրմանը, ինչը նախատեսվում է անել 2020 թվականի վերջից 2021 թվականի սկիզբն ընկած ժամանակահատվածում։ Նշված համաձայնագրի ստորագրման արդյունքում ակնկալվում է, որ ռոումինգի գները կնվազեն 87%-ով՝ 4,6 մլն եվրո արժեքով դրական ազդեցությամբ: Բացի այդ, հոկտեմբերի 7-ին կայացած հարակից միջոցառման ընթացքում գործարկվեց մի նոր գործողություն, որն ուղղված է Արևելյան գործընկեր երկրների և Եվրոպական միության անդամ պետությունների միջև ընդհանուր ռոումինգի տարածություն ստեղծելու հնարավորությունը պարզելուն (ավելին կարդալ այստեղ):
Ազգային կարգավորող մարմինների (ԱԿՄ–ներ) անկախության թեմայի առնչությամբ հիմնական նպատակը ամեն երկրի համար հատուկ առաջարկությունների և գործողությունների ծրագրերի պատրաստումն է` Արևելյան գործընկեր երկրներում ԱԿՄ–ների անկախությունն ամրապնդելու համար: Արդեն իսկ պատրաստ են ԱԿՄ–ների անկախության բացերի գնահատման նախնական արդյունքները և դիտարկումները,
որոնք հիմնված են ընդհանուր մեթոդաբանության վրա և, ինչպես սպասվում է, ավարտին կհասցվեն 2020 թվականի հոկտեմբերի վերջին: Զեկույցում ներկայացված առաջարկությունների հիման վրա կպատրաստվեն երկրների համար նախատեսված հատուկ գործողություններ։ Իսկ 2021 թվականի ընթացքում EU4Digital–ը կշարունակի վեր հանված բացերի վերացմանը և առաջարկությունների իրագործմանն ուղղված տեխնիկական աջակցության տրամադրումը։
Արևելյան գործընկեր երկրներում 700 ՄՀց հաճախականության գոտու ազատման ուղղությամբ արդեն իսկ ավարտին են հասցվել ԱլԳ տարածաշրջանային ճանապարհային քարտեզի պատրաստման աշխատանքները։ Ավարտվել և իրականացման համար երկրներին են հանձնվել նաև 700 ՄՀց ռադիոհաճախականության տիրույթի ազատմանն ուղղված գործողությունների ծրագրերը: Ներկա փուլում հեռահաղորդակցության կանոնների թիմն աջակցում է տարածաշրջանային սպեկտրի համաձայնագրի շուրջ տարածաշրջանային բանակցություններին։ Համաձայնագիրը գտնվում է համաձայնեցման վերջին փուլում, իսկ դրա ստորագրումը նախատեսված է 2020 թվականի վերջին կամ 2021 թվականի սկզբին:
Թեմատիկ նստաշրջանի ընթացքում EU4Digital–ի թիմի ղեկավար պ–ն Արտուրաս Պիլիպոնիսը մասնակիցներին առաջարկեց նաև կիսվել 2021 թվականից հետո ժամանակահատվածում հեռահաղորդակցության կանոնների ոլորտի վերաբերյալ իրենց տեսլականով, ինչպես նաև ներկայացրեց առաջիկա անելիքները։ Մասնավորապես․
ԵՄ անդամ պետությունների և Արևելյան գործընկեր երկրների միջև ռոումինգի գների իջեցում.
Ինտերնետային ծառայությունների որակի և հասանելիության համակողմանի վերահսկման մեխանիզմի և գործիքների ստեղծում.
Մրցունակ լայնաշերտ ինտերնետային ծառայությունների հասանելիության խթանմանն ուղղված ճանապարհային քարտեզի / գործողությունների ծրագրի մշակում.
5G բջջային ցանցերի համար հաճախականության հավանական գոտիների (700 ՄՀց–ից տարբերվող) ազատմանը և տեղաբաշխմանն ուղղված ճանապարհային քարտեզի / գործողությունների ծրագրի մշակում․
ԱլԳ երկրներում 5G ռազմավարությունների և 5G պիլոտային նախագծերի գործարկում․
ԱԿՄ–ների հզորացում՝ գործընկեր երկրների էլեկտրոնային հաղորդակցության շուկաներում արդյունավետ մրցակցության խթանման համար։
«EU4Digital» ծրագրային թիմի ներկայացումը շարունակվեց EaPeReg-ի հետադարձ արձագանքով, հարցուպատասխանով, ինչպես նաև Համաշխարհային բանկի շնորհանդեսով՝ նվիրված լայնաշերտ կապի ոլորտային ծրագրին, դրա ներկա վիճակին, ինչպես նաև առաջիկա անելիքներին:
Լրացուցիչ տեղեկատվություն
EU4Digital–ի ղեկավար կոմիտեի երկրորդ տարեկան ժողովը կազմակերպվել էր «EU4Digital» ծրագրի կողմից՝ դրա ներքո ձեռք բերված արդյունքների գնահատմանն ուղղված վիրտուալ նստաշրջանների շարքի ձևաչափով։ Բաժանորդագրվեք լրատուին` մշտապես տեղեկացված լինելու համար:
Մեր կայքում օգտագործվում են քուքիներ՝ կայքի հետ Ձեր աշխատանքը բարելավելու, կայքի նավիգացիայի արագացման և կայքի օգտագործումը վերլուծելու համար: Սեղմելով «Ընդունել բոլոր քուքիները» կոճակի վրա՝ Դուք համաձայնություն եք տալիս մեր կողմից քուքիների օգտագործմանը:
Մեր կողմից օգտագործվող քուքիների մասին ավելին իմանալու կամ Ձեր քուքիների կարգավորումները փոփոխելու համար ծանոթացեք Քուքիների քաղաքականությանը:
Ֆունկցիոնալ քուքիներ
Ֆունկցիոնալ քուքիները կարևոր են կայքի գործառնության համար: Այս քուքիները մեզ օգնում են նաև չափել կայքի կատարողականը և բարելավել կայքի հետ Ձեր աշխատանքը, ինչպես նաև հիշել Ձեր կողմից ընտրած յուրաքանչյուր կարգավորում:
If you disable this cookie, we will not be able to save your preferences. This means that every time you visit this website you will need to enable or disable cookies again.
Գովազդային / Թիրախավորման քուքիներ
Գովազդային / թիրախային քուքիները մեր կողմից օգտագործվում են օգտվողի գործողություններին և այցելություններին հետևելու համար, որպեսզի մենք կարողանանք մատուցել ավելի անհատականացված ծառայություն: Գովազդային քուքիների դեպքում դրանք սահմանվում են երրորդ կողմերի կողմից, որոնց հետ մենք իրականացնում ենք գովազդային արշավներ: Այդ քուքիները մեզ թույլ են տալիս մատուցել Ձեզ վերաբերող գովազդներ: Սրանք ընտրովի քուքիներ են, և օգտատերերը ցանկացած պահի կարող են հրաժարվել դրանցից: